Veer zien us

Tekst: 
M. Voorst (Pikkatrillaz)
Muziek: 
M. Voorst (Pikkatrillaz)
Artiest: 
M. Voorst, B. Siersema, D. Voorst, R. Theunisz, P. Beek (Pikkatrillaz)
Album: 
10 Jaor- Veer Zien Us
Plaats: 
Maastricht

pikkatrillaz- veer zien us

tien jaor geleie begos us avontuur
en ‘t woort steeds sjieker op den duur
‘t huurt ziech aon wie e jongesbook
nog steeds gewoen die gaste vaan op d’n hook

veer waore wèld en ‘t waor nui
en veer doge us dink steeds obbenuits
‘t ging veuroet, jao stepke veur stepke
original sjengsters, ‘t begos es e grepke

veer stoonte oets in eder lies
veer pakde oets edere pries
en l1 die drejjde us gries
mer oppe tied stoppe is altied wies

houw nog mer 'ns op dat dink!

de geis us misse, jong reken dao mer op
want geine zat de tent zoewie us op de kop
soms waor d’r stress es de planning neet leep
mer dat doorde noets lang want de band zèt deep

gaste dinke dat ze beter zien
gein competitie, nein nog neet mesjiens
ze wèlle neet wie de pikkatrillaz zien
biste vreuger vergete, mesjiens

tv mestreech tot tmf
klassiek repertoire en veer trokke hei de kaar
veer gaove meinèg legendarisch fees
mer noe is ‘t te laat en diech bis noets gewees

d’n tied is dao, iech gaon veur mien rös
zèt neet te mótse want veer zien us
nog eine kier, jao keek mer lekker flink
houw nog mer ‘ns op dat dink

houw nog mer 'ns op dat dink!

bluts, bef, air, rex, markan–
laot uuch hure op de beat mèt uuch han!

©pikkatrillaz/ 10 jaor- veer zien us/ shc 2009