pikkatrillaz- iech weur harstikke gek

allein toes iesberent door ’t hoes
gestress jao wie ’n platgehouwe moes
iech maak miech zörge euver veul te veul zake
en noe mis iech daan toch e paar spake
soms goon iech tege de moer op
en weur iech knettergek vaan al die stumme in m’n kop
iech woar altied al para
meh tegenwoordig is ’t e regelrech drama
zien ’t de drugs vaan e paar joar geleie
boedoor iech tege ’t verkier in goon rije
iech kin de weeg noa vijverdal
dus hol de therapie mer weer vaan stal
meh boete blief ’t doorgoon
en ’s aovends zeen iech lui op straot stoon
iech veul miech nörreges op m’n plek
ey jong, iech weur harstikke gek

is ’t mien opveujing of zien ’t mien vrun
wat ’t ouch is de hier vergief ’t hen
alles wat good is get kepot
veul iech miech mesjiens daorum zoe verrot
iech rouk en iech drink neet
meh welliech dat ’t help es iech miech volloupe leet
iech leef op de rem
e stuk hout oonder de stool want dalik rijt miech eine klem
lui weite neet wie ’t is
este vaan de eige weits totste gek bis
‘s zoondags goon iech nao de kerk
en bran miech ’n keers dat iech ’t volhaw op mien werk
geine kump nog op visite
umdat iech zit te sjriewe of zit te kriete
iech zit nog neet ‘ns op de crack
ey jong, iech weur harstikke gek

mien wief is psycholoog
mer ze heet ziech oet elend daan toch mer gevoog
constant aon ’t sjaggernere
es iech weer controleer of ze miech observere
loer iech teveul film
of is dee gas dao noe toch ech ome willem
iech zow ’t neet weite
meh luip geit neet volges plenning daan begin iech weer te zweite
en wat iech höb is progressief
dat verkloart elken daag weer dee stress in mien lief
dit geit neet mie veurbij
mer iech wèl gein gezeiks mie aon m’n prij
want niks is veur miech al veul te veul
zelfs es iech örges live speul
iech how hei geine kwatsch oet m’ne nek
want jong, iech weur harstikke gek

©pikkatrillaz/ iech weur harstikke gek/ shc 2005