pikkatrillaz- holland mould mestreechs

mestreech is de stad boe iech ‘t al ieder euver had
altied ónderweeg vaanoet malberg en de heeg
vertegewoordig mien stad in ‘t land mèt hand en tand
holland euvergenómme zjus wie e kraakpand
ze verstoon us neet mer dat boeit miech geine flikker
gas geef miech m’n duite, hijj höbse ‘ne sticker
höbbe veer noe alles wat veer hijj wouwe klawwe
noe snel in de bus en weg, dao kómp dee awwe
ónderweeg in de bus is ‘t altied groet fees
zeker es nonk jupiler is langs gewees
langs de a twie hèlt de blaos ‘t neet mie
‘t viaduct krijg medein get nuije greffetie
want veer zien op ‘ne missie vaan slivvenier
veer bringe uuch ‘t woord kier op kier
dus book dee zaol en heur die bus
holland lult mestreechs en dat kómp door us
veer höbbe gein label mer veer zien wél ‘t hoesmerrek
veer zien altied same en dat maak us sterrek
iech hoof vaanteveure de mics neet te checke
umdat veer ze zoewiezoe toch wel goon verrèkke
vergeet iech m’ne teks daan verzin iech get ter plekke
hollandse reppers besjouwe us es gekke
mer ‘t boeit miech neet wee wat d’r vaan vint
veer kómme nao diech touw, ‘t mestreechs rizzjemint
de roedwitte opmarsj is neet te stuite
zellefs de junks aon de stasie huurste uzze leedsjes fluite
dus koup diech e shirt en loup lekker breid
alle zeik euver limburg geit ónder ‘t kleid

holland mould mestreechs en dat kómp door us
dus book dee zaol en heur die bus

altied vraogse aon us, wat beteikent noe dee naom
iech zouw ‘t neet weite dus sjeije oet mèt dee kraom
nao e paar leedsjes daan geit ‘t loos
iech bring uuch in de stumming mer neet mèt kadoos
johnny gaof miech hijjvoor ‘ne blenco cheque
daorum krijg dee mins van miech ech respek
iech bin ‘ne sjeng en dee naom draag iech gruuts
altied trouw aon mien mestreechter roots
begriep miech neet verkierd, iech veul miech hoeger of beter
ouch al wèt geer allemaol, dee doug veur geine meter
d’r is miejer daan vlaoj en ‘t preuvenemint
allein is dat boete de provinsie neet bekind
veer goon dao veur zörrege vendaog en mörrege
veer duije ‘t door hun stroot, maak diech mer gein zörrege
en kriege veer niks te ete, de promoter zal ‘t wete
want daan goon veer mèt z’n vijfen stróntzaat lekker kete
gaank dao vaan oet, de koste kriege veer d’r oet
ouch al kost ‘t af en touw toch nog wel ‘ns ‘n roet
veer make de kachel aon, veule us hielemaol toes
dat ederein wet, pikkatrillaz zien in ‘t hoes
en zoe wie kakeling al zag, das apaart
dialek hiphop zet mestreech op de kaart
kieskoppe neumde us iers stóm boere
mer mèt dikke hits laote veer ze nao us loere
dus sjaolkinder gaank toch lótsje aon de fles
veer zien nog altied nómmer ein en zoeväöl beter dan de res
want veer geuze vaan ‘t zuije make gehak vaan kómpetiesie
dat is veur us wie ‘n ginneraole rippetiesie

©pikkatrillaz/ original sjengstas/ shc 2004