Refring:
Joep, pak dich de trööt mer oet.
Sjeng, sjnap dich de sjuuftrombon. Vier gunt mit de harmonie,
v'r bloase en v'r trööte wat toch in os zit.

Ut is al get geleije, wie ich die moeziek hoet,
d'r kriebel aan de kneije, ich moos de boet toen oet.
Mit trööte en mit tromme, koame ze doa aa,
ich bin toen mit gegange, joa dat kunt d'r daan och vaan.

Al monde vaan te vuure, hoal ich mieng trööt al oet,
begin daan drek te proove, en bin al in de 'mood'.
Mie pekschke weet gestrieke, mieng pruuk is och al kloar,
ut maag vuur mich beginne, want ut wachte vilt mich zwoar.

En is ut vasteloavend, daan han ich amazjuur,
da bloas ich en maak veul sjpass, en is mich nieks te duur.
Da weet ich neet va vuure, wat ich vaan achter bin,
wat kin dat daan och schjeele, 3 daag han ich gekke zin.