Refrein:
Paaf-Boem-Paaf vastelaovend, Paaf-Boem-Paaf in Gebrook.
Paaf-Boem-Paaf vastelaovend, Paaf-Boem-Paaf koom oet d'r hook.
Paaf-Boem-Paaf vastelaovend, luuj koom zèt 'm op.
Paaf-Boem-Paaf vastelaovend, Gebrook sjteet op d'r kop.

De sjpas regeert in os Gebrook, me huur laeve de lol.
't Klinkt van Eysde tot in Mook: Gebrook is gans op hol.
Van klein tot groeët, van jonk tot oud, deit jiekerei mit.
Gebrook, dat bliet ummer Gebrook, woe Heële mer mit zit.

't C.C.H. wie ummer weer d'r sjtiëk gruutsj op d'r knutsj.
D'r optoch is it hoëgtepunt va een waek gowe rutsj.
Va donnestig bis Eschelegoons vergits-te zurg en leid.
Omdat dan jiëker es zich zelf 'ns lekker boemele geit.