Zjwumme op ut lank, verkes zonger sjtank,
unne pils... waor ginne sjmaak aan zit.
Rauke op ut werk, un overvolle kerk,
en dit wurd de nèje vastelaoves mega hit.

Refrein:
Vastelaovend... de sjonste tiehd van ut jaor.
Vastelaovend... jao, wae zien d'r vur klaor.
Vastelaovend... wae zitte neet vur de buus.
Drei daag bej de Kuus!

Getrouwd en gin gezeur, un hoes det is neet deur.
unne Kuus... dae aaf en toe ins swingt.
Broekmans zonger hood, un waer is althied good.
en de aovend, det nèmus van os d'r neave zingt.
Al sjteit de werreld oppe kop,
ein dink, det sjteit veurop.

Annie zonger Sjaak, Kepèl det lik neet braak.
Helje Durrep... det niks te zeiken heet.
Winne in de Del, ginne tore in Kepèl.
Of d'n daag det Reijnen Jan gin nèje roddels heet.