Woeë is toch dè sjoeëne tiêd, mèt diej spreuke wètj gè waal
Veur eîn kwartje op de ieërste rang.
Op'e merretj wiej ging ut weer, waas de göldje eine daalder waerd
En unne meijer woort twieëdoêzendj frang.
Auch unne joed dè haat se nog, en ut gèèltje deeg nog mèt
Mer helaas dè tiêd is noe verbiej.
Toch goatj gè get belaeve, wè goân um flînk van jetje gaeve.

Refrein:
Want ut kan oos allemoal niks bom-me
Wè goân noe oet oos daâk
Of ut euroos göldjes of frengskes zeên
Ut is toch eine pot naât
Wè goân oos lekker ammezeere
Joa de kastelein krieëgtj ut druk
Auch d'n hieëring mot nog effe wachte
Want veurluipig zeen we nog neet trögk
laatste keer:
Joa d'n hieëring mot nog effe wachte
En mèt asgoonsdig lègke wè op'e rögk.

Joa diej wintjers wètj gè nog, mèt de sjaatse op ut iês
Veur ein paar stuuvers kreeg se werreme sjookomél.
In de zoomer ginge wè weer, mèt get ranja inne tes
dè berreg op en nieër doa in diej Wel
Biej oos mam dan omste beûrt in de kuûp en gein gezeur
Joa minse ut waas unne sjoeëne tiêd.
Mer auch noe goatj gè get belaeve, wè goân hum flînk van jetje gaeve.