Zonger get koom ich oppe waereld, how nieks om aan te doon.
Geer bezorgde mich kleijer en ich kreeg mien ieëste sjoon.
'n Kamer vol mèt speelgood, waat waerde ich verwindj.
Jao, aajers, die doon alles veur häör eige kindj.
Jao, aajers, die doon alles veur häör eige kindj.

Refrein:
Pap en mam, geer zeentj bedank,
bedank veur al dae gooje raod.
Want geer höb d'r veur gezorreg,
det ich 't slechte achterwaege laot.

Noa staon ich hiej veur 't altaor, geer höb mich toet hiej gebrach.
Mot ich de traone laote komme of mot ich sjeete inne lach ?
'ne Rink om miene vinger, dae waat mich noe verbindj.
Mer ich zal altied blieve, uch allerleefste kindj.
Mer ich zal altied blieve, uch allerleefste kindj.

Hiej is 'n bleumke veur de meute, kiek 'ns wie sjoeën 't bleutj.
Vanoet 't nieks get sjoeans gewaore, zoeë wie ich bön opgegreutj.
'n Bleumke veur de meite is waat ich uch noe gaef.
Zoeë wil ich uch bedanke, bedanke det ich laef.
Zoeë wil ich uch bedanke, bedanke det ich laef.