Noonk harie och luuj dat iesne sjoane
Iech ving 't sjiek dat iech haom kin
Dae zalste auch neet gauw huere klage
Want dae man haet altied gooie zin
Harie dat iesne optimis
Nei nei met harie ies niks mis

Refrein:
Es harie saoves sjlaope geit
Wet geer wat hae dan deid?
Dan sjnap hae zich 'n flesj met sjterke drank
Die hae dan achtereuver sjleit
Jao hae drink zich zoe gaer 'n sjnepke
Umdat dan sjlaope beter geit

Noonk harie och luuj dat iesne sjoane
'twaor op 'n feeske in de sjtad
Noonk harie dae waor get in de zeenuwe
Want hae hou nog geine drank gehad
Harie zag: es geer miech dalik mis
Iech ving dat 't noe bid-tied is

Iech zeen de letste tied
Hae ies 't sjpoor soms kwied
Dao kint harie niks aan doon
Haet hae zien ete op
Geit hae de trappe op
Um sjnel weer nao zien bid te goon