De kearsjdaag woare nog mer net veurbie,
toen krieg ich al de kriebels in mien priej.
Ich hub mich toen de sjtupjas mer gepak,
en sjtiekum doa un pekske van gemak.
De iersjte kier woar 't auw wiever bal,
veur mich begosj toen ech de Carnaval.
Ich sjprong en zong ut oet van gelök,
mienne sjat vroag toen: “Zig geis ze mit mich truk?”.

Refrein:
Ich wil nog lange neet noa hoes toe goan,
zoelang de luuj hie op de toafels sjtoan.
In sjloape hub ich gaaroets geine zin…
dus roop d'n ober: “sjut nog eine in..”
Ich hub ut dich al doezend kier gezach:
carnaval dat doert de ganse nach”
Ich doon noe nog eine kier mit,
dus roop mich neet te vreug oet bid.

De wikker rammelde weer veul te vreug,
Ich sjtong wahl op.. mer jong wat woar ich meug.
Ich heij nog ginne tied veur de gezit,
want ich moos huuj nog mit d'n optocht mit.
Un prieske woar veur os neet weggelach,
toch wurt ut nog eine ganse lange nach!
Ich sjprong, ich zong en reep veul alaaf.
Miene sjat vroog toen: “Lupse mit mich aaf?”