Refrein:
Waat zòl'se meine: drinke v'r d'r nog eine?
Eigelik wòl ich d'r gaaroet geine.
Doot d'r oos nog eine, mich dan maar 'ne kleine,
noe doon ich toch weer mit.

Ich sjtaon weer aan de tap, 't beer geit drin wie pap.
Ich bön zo zaat wie 'n ooi, mòt eiglik nao mien kooi.
't Beer sjmaak mich zo good, vermingk zich mit mien blood.
En ich dink: Och kòmaan, ich gaon d'r weer taege aan.
En ich zegk: 'Hei doe dich, noe loester ins nao mich...'

Inins sjteit dao mien vrouw, en zaet: 'Kòm doe ins gauw.
Doe höbs genòg gehad, ich bön det noe waal zat.
Mit vastelaovesdaag altied ein sjtök in de kraag.'
Dan zegk ich: 'Lekker deer, ich höb zònne zin in beer'.
Dus noe de letste dan, dan bön ich weer de jan...