refrein
noe brant de lamp, noe brant de lamp
dobbel dikken damp
regelrechte ramp
noe brant de lamp, noe brant de lamp
wee hei rouk weurt droet gestamp

couplèt 1
iech bin controleur vaan de sigaar
wee hei rouk dee is straks de sigaar
wee toch ’ne bolknak heet gepaf
weurt astrein versjrikkelek gestraf

couplèt 2
iech voer de control euver de piep
pas mer op want iech staon op mien striep
knepkestouwbak, belleblaos iech zweer
alles sjaar iech in, ouch piepkes beer

couplèt 3
iech bin controleur vaan de sigrèt
rouke maag hei neet, zoe is de wèt
meh es eve niemes op miech lèt
rouk iech stiekem e sigrètsje mèt