Refrein :

Dus noe noe noe, noe geneete van dees tied
Want noe noe noe, bès’te van de zörg bevried
Noe noe noe, brèngt de vastelaovend sjpas
Geluif noe mer in noe: dan haol se alles oet de kas
En sjoenkel efkes mit: zoa hauwt’ v’r dees tradisie vas!!

Couplet 1:

Noe maog de klok efkes sjtil blieve sjtaon
belaef dit moment gans bewös!
Hoof geine wekker meer aaf te gaon:
Noe kump de sjtress zelfs tot rös
Mit vastelaovend sjpeelt tied geine rol
Duuje veer eed’re mennuut mit sjpas vol
Viere veer door: ’t is nog lang neet gedaon:
Noe is gein sjtraks en gein sjus!!

Couplet 2:

Wat gistere waor is verleije tied
dat sjteit noe in de gezèt
Mörge dan beste vandaag alweer kwiet
’t is al veurbiej veur me ’t wèt
Vier noe ’t laeve; dat is ’t ech waerd
want vastelaovend is’t sjoonste op aerd
Van dees drie daag kriste gaaroets gein sjpiet
Höf noe ’t glaas: zèng mer mèt!

Couplet 3:

Bridge: Al sjoefste dien ganse laeve:
ein dubbeltje wurt gein elluf cent!
‘t laeve doert mer aeve
Geneet noe van elluk moment!