Tusse Vênnel en Remunj, stap mer aaf,
dao liktj Naer in eine graaf.
Dao is door de jaore al vëul gebëurdj,
men sprikt van die richtige Naerse weurd.
En huertj van eine praos of van ei kèlle,
of det ze waal ins aan de punjer wille.
't Kan allemaol niks gaeve, in Naer is 't good om te laeve.

Refrein:
Menkes, wiefkes, kom noe op, Naer det steit weer oppe kop.
Kiek ins achter, kiek ins vëur, zu kùstj hem en hae kùstj hëur.
Menkes, wiefkes, kom noe op, Naer det steit weer oppe kop.
Naerse kal, dae geit vêurop.

Richtigs Naers, det spriktj zo sjoeën,
laot mer gaon, ederein kan 't verstaon.
Kerboet oette pan, jao, det smeuktj zoeë good,
ein klats bokesmael mit get verkesblood.
De flump liktj ore aan de staof te stinke, och,
laot os der noe nog mer eine drinke.
't Kan allemaol niks gaeve, in Naer is 't good om te laeve.