Zaag mich ins, woë woasjte noe
Vertel 't mich, wat gongste doa doë
Ich dach: aa dat leëve hei geeste zoë wenne
Ich mot de welt ins echt goan verkenne
Ich leep durch troesteloze bussje
Sitong vuur sjtinkend water
Rotzooi ueveral, maak mich zurg uever later
Ich leep urges binne, dachit dit is de hel

't Is de hel, de hel woarheed

Zaag mich ins, wat haste gezieë
Vertel ‘t mich, of witste ‘t nit mieë
Babies woëte gebore zoonger 1 kans op leëve
luuj wegkieke ‘ woar hun om ‘t eve
Ich zoog aansjleëg plege, blood sjpoot in ‘t ronk
Luuj krepeere in roëd kluerende gronk
Protesterende massa's, doa woëd op gesjoate
En in al dat geweld wille ze d'r mond waal hoate
Ich zoog keenger verendere in moordende soldoate

Zaag mich ins, wat haste gehoëd
Vertel ‘t mich, of zjwiegse ‘t doëd
Ich hoëd dondersileëg inne ramp vuursipelle
D'r tsunami deë volgde, nit vuur te sitelle
Ich hoëd ‘t sjtille protest, woë nieèmes noa loestert
D'r sjreihaos deë ummer waal weëd gekoesterd
Ich hoëd inne miensj doëd goa, inne angere lache
D'r dichter deé rochelde zie letste gedicht
Ich hoëd d'r clown zieng troane
Oonger ‘t besjmienkde gezich

Zaag mich ins, weë haste ontmoet
Vertel ‘t mich, wie zuut dieng welt oet

Ich koam keenger teëge, vluchtend vuur oorlog
Achtervolgd durch inne keël
Mit inne zjwatte bulldog
Ee meëdje dat wegrent in brennende kleier
Lieke begrave oonger klokkegebeier
Ich ontmoette deë man
Gewond durch de leefde
Ich ontmoette dae angere man
Gewond durch haat

Zaag mich ins, wat vingste noe
Vertel ‘t mich, wat geeste noe doë
Ich goa trük noa die bussje
Geblakerd durch bosbrand
Goa helpe mit blusse, blief nit aan d’r kant
Ich goa d'r rotzooi opruume
Deë vuur hant gemakt
Ich maak foto's woëdurch luuj weëde gerakt
Breeng gezichte van misdaad
Op internet tot leëve
En al weë hoonger hat zulle vuur eëte geëve
V'r loate nieèmes alling sjtoa
V'r dont alles saame
En naamloze kriege van os allenui naame
En ich zegk ‘t, en ich dink ‘t
En ich roop ‘t en oam t
Goa op d’r hoëgste berg sjtoa
En de ganse welt zuut ‘t
Rees üeveral hin um nui vrung te veenge
En v'r sjtont in ‘t leech
Om die sjoën welt te bezeenge

't Is te hel, allemoal verdomme veül te hel
ing hel woarheed