Jao, Krelis unne erme boor
Woee-j 's mergus vreug um zieeve oor
Gaon jage op de kniên int bos
Dao loupe d'r wul doêzendj los
Dus zoee gezagdj en zoee gedaon
Ging krelis beej un buimke staon
Opeins zooge un bieest neet min
Det mos de duuvel zeen

Refrein:
Nôw es d'n duuvel los
Rooptj hölp, vae zeen de klos
Haaltj de pestoeer, de börgemeister en de schout
Nôw es d'n duuvel los
En vae, vae zeen de klos
Haaltj ut kenon, paktj eure reek of un stök hout

Peniek brook uut, de schötteri-j
Di-j trok vlot uut, stong zi-j aan zi-j
De börstel van menieer pestoeer
Dae joog ut wiêwater dör doeer
Ut vollik stong in unne kreenk
Al um det platte duuvelsdeenk
Staek Jan dae gruuëtse Wieerter jong
Blieef staon woee-dette stong

Staek Jan dae pakdje ziêne reek
En leep onger un houp gekweek
Nao't duuvelsbieest, det kieek um aan
Hae leet dae Jan mer in de waan
Mer zjuust wi-j Jantje staeke woee-j
Al dieejte det dan errug noee-j
Zag unne vênt: Waat dooje toch
D'n duuvel woor de ROG