In de sahara tösse de kemeele,
zit Alie Baba zich al oore te verveele.
Want zien kemeele welle neet mie laope,
moot Alie Baba zich 'n ooteke goon kaope.

Refrein:
Ooch Mustafa, ooch Mustafa.(4x)

Mer hej, dat geit neet, 't is toch veur te jengke,
want boe moot heer daan met dat ooteke goon tengke.
Heer is de kluts kwiet en is boete zinne.
Wat moot heer heij noe met un ooteke beginne ?

De zon, die deit 'm smelte wie margriene,
en heer weurt gek vaan al dat zand tösse zien tiene.
Z'n keel is druug en ut weurt steeds mer later.
Heer is zoe meu en zit daorbeij nog zonder water.

Mer daan zuut heer 'n prachtige versjeining.
'n Sjoen wit peerd, dat steit daor boete de umheining.
Heer is gelökkig en begint te zinge,
nump unne aonlop en welt op 't peerdsje springe.

En eve later, is 't toch um te kriete,
ligk Alie Baba in 't witte zand te biete.
Heer zeet: 'Boe is dat peerd noe toch gebleve ?
Iech gaon 't zeuke, daan zal dat ins get beleeve.