Vet donnesjtig is auw wieverdaag, dan begint de sjpass.
Auw wiever trekke durg gen dörp, d'r kloon geet oet de kas.
Vier zinge saame in de moat, in d'r walsersjrit.
De sjtiemung zit al rigtig dri en doarum: zing mar mit.

Refrein:
Moeziek oeët eëge dôrp, dat deed mich tog zo good.
Moeziek oeët eëge dôrp, da kriebelt mich ut blood.
Moeziek oeët eëge dôrp, da sjpring ich op d'r dusj.
Mit Moeziek oeët eëge dôrp leaf ich drei daag op beer en vush.
Mit Moeziek oeët eëge dôrp leaf ich drei daag op beer en vush.

Op zondig, da truk d'r optoch wer 's middaags durg gen sjtroat.
D'r prins op ziene prinsewaan bei ziene elveroad.
De harmenie of sjpasskapel sjpilt mit veul kabaal,
en noa d'r optog an gen tiek, doa zingt d'r ganse zaal.

D'r diensdig, dat is d'r letste daag, vier gont nog ing kier,
van tsiep noa tsiep tot in de naach en ummer mar wer wier.
Eschgoonsdig zint vier nui kapot, bau is ut gedoa.
't Hirringbiete is d'r sjloes, adiej, tot volgend joar.