In de Julianasjtroat, bie Huub van Tummermans,
kris se appele, pere en ooch eerpel op zien frans.
Greunte, die heet dee doa ooch, mer vrieg se om 'n moer,
kumt 'r mit banaane aan, joa, dan kiek ich al zoer.

Refrein:
Want wat ich wil, zint moere van Knoere,
want moere van Knoere zit good.
Dus hoal ich sjnel get moere bie Wiellie Knoere.
(fijn dieke moere)
Maar ha, hee heat huuj geen moere,
hee heet gaar geen moere vandaag.

Bie Els va Houben kris se breudjes, eier en ooch sjpek.
Huub, dea deed de post, van de papiere weurt er gek.
Vrieg se veur get moere, zeet dat Els dan hiel geweun :
'Wil se een banaan?', ich erger mich dan geel en greun.

In 't sjtreutje, bie d'r Wiel, doa gruije ze zoe schoen.
Hee heet de biste moere, doa kint geene get aan doen.
Wil se ooch die moere, goan dan sjnel bie Wiellie aan,
vroag die irges angersj, kris se ummer een banaan.