Ich koom oet Midden-Limburg
mer det huurt ge zeker wel -
Tussen Durp en Beringe
likt 'n plaats die hèt Kepèl
en dao bin ich gebore minse, dao bin ich gebore
dao kwaam de wagen onger 't spel

Mien opa kwaam oet Buggenum
unnen echte boor -
Mien vader, dae war sjilder
de maeter en per oor -
zoe is 't gekome minse, zoe is 't gekome
en det makt waem ich bin, det makt wat ich doon.

Met veer ging ich nao de bewaarsjoel
bej de zusters naeve de kerk -
die zeije mich ; God is overal
en det leek mich toen al sterk -
Mer zoe woort er gesproke minse, zoe woort er gesproke
En nou speul ich gitaar
want det is mien werk

Jongessjoel - koninginnelaan : ontzaggelik veul gelierd
De maedjes op de sjoelstroat : dan ging d'r niks verkierd
Toen wae later mochten minge
waar ich op slag verkoch
Mer ich heb zoe duk de mis gedind
In de hemel koom ich toch

Later bin ich nog in dins gewees,
kreeg ich 'n bevel,
doa zei zonne generaal tegen mich ;
Ingels; truuk nao Kepèl -
En det zoog ich wel zitten minse,
det zoog ich wel zitten
Ich war al neet traog, mer toen woor ich snel ;
supersnel -
en det bin ich nog