Refrein:
Vlugs doe dich gaer mit eémes in de haore
Kom dan bie mich en laef dich mér éns oet
'ch höb die van mich al sjtök veur sjtök verlaore
Mer noe höb ich waal vreeje in de boet
Want al mien wilj haore ben ich kwiet
Gein haor op miene kop haet dao van sjpiet
Vlugs doe dich ger mit eemes in de haore
kom dan bie mich en laef dich mer éns oet.

Höbste eine kletsjkop of beste al get kaal
Dat is neet leuk, ich weit 't, 't is neet ideaal
Toch haet 't soms auch veurdeil, 't is lang nog neet zoa gek
Want höb ich weurt mit eemes, wet geer dan wat ich zégk

Piet Dols en Guus en Leike hunne sjeigel is get breid
Die ganse Dols-femieje zit mit 't zelfde leid
Toch maake die drie heére van hunne noad ein deug,
want loester wat ze zégge es eine hun get vreug

Nic Duysens is zoan veurbeeld van eine oet de raod
Mit d'henj déks in 't haor zit, soms kritter 't te kaod
Mer wétter dan gein antjwoord, gebroek hae ziene kop
En zét mit dit refreintje de oppositie sjtop.

Borgeren zien weuning, wat haet dae toch ein sjtröp
Zao zuuste wiej ut gaon kènt, en zao gèt soms ouch löp
Hae mot opnuuj beginne, want de kelder waor te deep
En wiej dat toen gebeurde, wèt geer wat hae toen reep...

Jao al die luuj mit haore, dat weit ich gans gewis
die zeen ech te beklaage, geér wet neet wat g'r mis
Dat vleege in die haore, noe sjei dao toch mit oet
want al die sjoan kaal köpkes, die lache uch dan oet.