Refrein 
Woa is d’r Naad?
Deë is sjoefele in d’r gaad
’t Geet óp Vasteloavend aa
En weë is werm te laat?
Dat is d’r Naad
Deë is sjoefele in d’r gaad
Mit gaffel, sjup en sjoefel,
’t gantse joar paraat
Mit gaffel, sjup en sjoefel
Mit gaffel, sjup en sjoefel
Mit gaffel, sjup en sjoefel,
’t gantse joar paraat

Couplet 
D’r elveroad houw werm get sjieks inee gefiespernöld
D’r Naad zouw komme helpe, ma heë houw ze werm gekuld
‘t ’s middigs in d’r gaad nog kwiek lebendig
Wie ’t óp wirke aakoom vólt heë zich lamlendig
Ummer deed heë sjtuute: “Ich bin Vasteloavesgek!”
Ma ’t leefste sjteet d’r Naad toch mit de klómpe in d’r drek

Ze hant d’r Naad óch oeëts nog ins Prins Carneval gemak
Kómpleet mit kap en vere en óp moat gesjneie frak
D’r zaal woa vol, d’r Prins woeët oetgerope,
D’r gantse middig woa al hendig oetgelope
Sjpanning in d’r poetiek: doeëdse sjtilte in d’r zaal
“Woa is-se?”, sjreit d’r Preziedent, bauw riep vuur ‘t sjpitaal

Bruk 
Ma óp de Boerebroelof,
doa veult d’r Naad zich heem,
Da viert heë Vasteloavend
en de res is ouwe leem

… en roeëd, geël en greun is de kluur va paprika