Refrein:
Ig bin ut Miep, ig bin zoen tiep
Ig sjtub en veëg en poets en dweil de ganse boeht in sjteijl
Ik bin ut Miep, ig bin zoen tiep
Mar likt doa zoenne berg da goan òg ig wer vuër de bijl
Bessem, loemmel, sjpons aa ziej want ig goan òp de loop
Ren keëkend noa boet da en roop: hoehs te koop
Ig bin ut Miep en soms han ig zoen hiep

Mit karneval, weë kint ut neet, i hoehs nieks mieë normaal
De sjoong hange aan ut plafond, de ganse bups is´t egaal
De pruke hange aa de lamp, konfettie i d´r vussjekomp
Ig erger mig roeëd, geël en greun en dink: loop noa de pomp

En boave is un bom ontploft en rükt ut noe neet mieë frisj
Ig sjtrukel uëver glittertjes weet neet van weë dit is
D´r wesjbak vol mit friet sjpisjaal zieën hieëring op d´r bedrank sjtoan
Da weet ig wèr wie laat ut is en mot noa ut poetshok goan