Miene auwe schlippejas

Tekst: 
Marleen Wolfs
Muziek: 
Marleen Wolfs
Artiest: 
Vuur Uch
Album: 
Plaats: 
Heerlen
Jaartal: 
2004

Refrein:
Ich hub inne auwe schlippejas,
dea hingt 't ganse joar in de zulderkast.
Mer ins per joar hoal ich hem droet,
want mit de vasteloavend goan ich mit hem oet.
Joa, ich hub inne auwe schlippejas,
dea mich noa al die joare wie een kluksjke past.
Ich woar toen nog een kink, ich krieg hem es geschink.
Mit vasteloavend hub veer same sjpass.

Ich hub der jas gekriege van miene auwe pap.
Dea heat mit dizze schlippejas als gans get mit gemak.
Begrefenis of trouwerie, hea how hem ummer aa.
Zien krietsjtreepbrook en road van elf, doa koam heum gene aa.
't Is mer een auwt dink, ich kreeg hem es geschink.

Went vastelaovend kump kiek ich weer in de kas.
Doa hingt mien prachtig erfsjtuk, veer kreege same sjpass.
Ich wesch hem ring en striek hem op, dan is er weer wie nuuj.
Ich doen hem aa, ver zient weer kloar, 't is vasteloavend luuj.
't Is mer een auwt dink, ich kreeg hem es geschink.

Ich houd hem good in iere, der pap ziene schlippejas.
Ver hubbe al get joare mit de vasteloavend sjpass.
Ver maake mit die gekke daag same hiel get mit.
En goat geer noa de optocht, dan kiek of geer os zuut.
't Is mer een auwt dink, ich kreeg hem es geschink.