Refrein:
Mien sjoenmam kin de spagaat !
Och,dat mins, dat maak miech altied get paraat !
Mien sjoenmam krijg alles klaor.
En zoe geit dat kier op kier en jaor nao jaor !
En ederein, dee lach z'ch daan 'n breuk !
Meh m'n sjoenmam heet daan twie verstoekde kneuk.
Mien sjoenmam kin de spagaat !
Zie ligk weer gans gestrek in de Groete Staat !!

Al weke vaan te veure geit zie in trainingskamp,
en es 't daan zoewiet is, now, daan weurt 't 'ne ramp.
Zie ligk daan hel te kerreme: 'Iech höb m'ch get verrèk !',
en ederein dee zeet dus noe: 'Dat mins is stapelgek !'.
't Is toch e sjendaol ...en veer zinge allemaol !

Veer höbbe dèks genóg gezag: ' Haw noe toch ins op !
Iersdaogs brikste nog e bein', meh nein, ze kump neet stop.
'Iech bin en blijf e lienig mins, eineder maag dat zien
biste söms sjeloes op miech, jao is 't dat misjiens ?'
't Is toch gei sjendaol en noe zing mer allemaol !