Gesjticht vuuër wirkluuj va de koel
Doer pelgrimages kreeg ‘t faam
De maagdveriering aa de grot
Mariarao dat woert de naam

’t Laeve waor doew zoe vertroewd
Kaels i de koel , de vrouw bleef toes
De achterduër waor ummer los
Joep Crijns brach doew de milk aan hoes

Mariarao, i mien herinnering
Waor dat de plek, woe ich nao sjoeël haer ging
Woe ich opgrujde en mit mien vrung sjpieëlde
Mien Mariarao va weleer
Dat Mariarao is neet mieë

Vereniginge goof ’t väöl
Bekind waor toen de K.A.Jee
De voetbalclub waor ouch berucht
Jeugd tróf zich i de Orchidee

Sondigs film in ‘t patronaat
Vuëral aoch vuuër de jónger jeugd
Mit sjommels, wip en kabelbaan
d’r sjpieëltuin waor ’n brón va vreugd

Wiej is ’t hu toch angesj dao
Haat me vuuër de toekomst haop?
Voetbalclub besteit neet mië
Os sjoeën nuuj kirk is noe te kaop
 

D’r smartphone is d’r nuuje tieëd
Zoe zuut ‘t oet noe, volgens mich
Gemaensjapszin is gans wiet voet en
Jieëkeraen laeft noe gans vuuër zich