Ich koosj d'r neet om lache, gistermiddig op de zaak.
Ze naome mich te graaze, ich haaj ein fout gemaak.
De directeur waor raozend, en ich sjtong weer veur paol.
Ach laot ze mè, ich pak ze trök, ich sjnap ze allemaol.

Refrein:
Ich hoof mich neet serieus te weere, ich weit dat mien kanse zulle keere.
Laot ze me denke, moele en me doon, ich sjtaon vas in miem sjoon.
Gein zorg, ich zal mich neet bezeere, ich weit dat mien kanse zulle keere.
Laot ze me denke, moele en me doon, ich sjtaon vas in mien sjoon.

Ich koosj d'r neet om lache, gisteraovend biej mich toes.
Ich verloor mit hartejaage, 'n sjpel van kat en moes.
Mien vrouw sjrong oet heur vel en ich sjtong weer veur paol.
Ach laot ze me, ich pak ze trök, ich sjnap ze allemaol.

Ich koosj d'r neet om lache, de kapper waas sjnel klaor.
Ein köpke wiej ’n töpke, nao 't sjaere van mien haor,
Hae had mich kaal geplök en ich-ich leep veur paol.
Ach laot ze me, ich pak ze trök, ich sjnap ze allemaol.

Ich koosj d'r neet om lache, vanmorge in de bös.
'n Klein vervaelend menke, leet mich neet mit rös.
Hae lapde mich 'n peutje en ich laog dao veur paol.
Och laot ze me, ich pak ze trök, ich sjnap ze allemaol.