Sjat, ich mot dich noe get zègke, jao, doe krigs get fijns van mich.
'ch Höb vandaag gèt mitgenomme, jao, dat is allein veur dich.
Daorum haol ich ièrsj deep aojem, want dat kump mich good van pas.
Bring die zoa in hoager sfere, ich haol alles oet de kas.

Kom dan, maak ich dich gelökkig, jao, dan bès doe weer content.
Want mien instrument besjpele, is 'n fluitje van 'ne cent.
Kom dan maak ich dich gelökkig, jao, dat doon ich geer veur dich.
Höb 't nao de zin, es ich sjpele kin, op 't instrument van mich.

Jao, doe huers gaer eemes zinge, met 'n sjaon en zuuver stjum.
Doe bès gek op klarinette en 't ritme van de drum.
Joa, doe hils van instrumente, of ze graot zin of gans klein.
Laot dich noe mèr fein verwènne, want ich sjpeel veur dich allein.

Bring dich in sjtumming, hiél good in sjtumming,
sjoane muziek is mien krach.
Maak dich gelökkig, euvergelökkig,
dan zeen ich diene lach.