Refrein:
Nei, mien favoriete nummerke is ellef
Mit vasteloavend geit hie alles wie vanzellef
Twjè eine neavenein
Die blieve feijn bieein
Ein van die allein is neet de hèllef
Drej ze ôm, of zèt ze oppe kop
Ze blieve altied stoan
Mer es ‘t op dinsdigoavend twellef sleit
Dan is de vasteloavend weer gedoan

Koeplet 1:
Mit 39 krieste nasi goreng
Bie mjè es 50 geiste al te hèl
Mit 4711 ruukste lekker
En twjè is sjus ‘n stèl
Mit dertiën wilt ’t mer neet lökke
Eine minder dat is ‘n dozien
Veer knepkes op ein rieke
Dat is nog lang gein kien

Koeplet 2:
De Maas is bienoa 1000 kilomeater
Plus en minus is zwoaget wie ôngevjer
In e beerglaas doa geit 18 centiliter
En dèks is kjer op kjer
Drie kjer zûs, dat is de antikristes
De apostele die woare mit z’n twellef
En nul is gaaroet nikskes
Geaf mich-altied mèr de ellef