Eeder jaor gebeûrtj ut weer, de vraog waerdj weer gesteldj.
Vastelaovuntj, wintersport, 't is waat veur eemes teldj.
Waorum gaon zeuj nao Oeësteriek en bliêve anger toês ?
Bliefdje aan de koeëj dit jaor of gieët de kat van hoês ?

Refrein:
Met vastelaovuntj huuërdje in eur dörp te zeên.
In Doospel esj te doôn, gea hooftj toch neet te gaon.
Neet met die dikke kleî-jer op de bêrreg te staon.
Det es toch niks gedaon.

De ein dae paktj ziên koffer in, de ânger zuktj ziên naas.
Woeë zeên die dikke haôse toch, kerboêt stieët op ut gaâs.
De skies, die ligke op ut daâk, de koffie inne kan.
Kiektj nôw us waat ae aanheêt, waat vingtje dao nôw van ?

Gae zuktj weer nao eur ski-pas en eur jong maâke uch gek.
Gae kui-jertj nao het Peeljuweel, medaâlies um uer nek.
Uer muts die wejtj uch vanne kop, ge bôrsj weer vanne kaoj.
Dae boôrekeêl met klak, det es toch wao ich zoeë van haoj.

Wawchte vôr de ski-lift, mien schoon zeên weer te klein.
Dootj hî-j nog wat te drinke, waat hebbe vae ut fijn.
Waat stuuërtj det gekke kâlmesjien; allein mer duitse kâl.
'Vastelaovuntj vierdje neet allein' - mer met ziên al...

D'n hieële waek dae bêrreg op en owg weer bêrreg aâf.
Dri-j daâg lang de kroegen in en oet, det es toch gaâf.
D'n optocht es 'n groeët sukses, en owg ut mattinee.
De prinsewaage heêt weer priês en neet de arreslee.

Die kalle heêj allein mer Duits en ich kâl allein mer plat.
Dit es de leste kieër, ich stop d'r mej, ich bin ut zat.
Vôr mien paart zaktjae in de strôntj of vleêgtjae nao de maon,
met vastelaovuntj zal ich noeëts mieër weg oet Doospel gaon.