Mestreechter nachte
Veer stoonte örreges aon d'n tap, 't waor op slaag vaan twie.
Veer vrooge nao temattesap, meh kraoge dat neet mie.
D'n hospes gaof us te verstoon, mer naor eus bed te goon.
Meh dat waor us teväöl gevraog, de klok, die mos nog sloon.
Heer zag tot ziene spiet, 't is d'n hoegsten tied.
Mestreechter nachte zien zoe laank.
Och, ze maake miech zoe kraank.
De börregemeister weurt bedaank.
Boe kreijgste heij nao twie oor draank ?
Mestreech is haos 'n wereldstad, meh wèlste snachs nog get,
daan sjikke ze d'ch nao 't Bat, dao kreijgste je vaan het.
En wèlste noch e gleeske beer daan vinste dat heij neet.
Dao mooste veur nao Smeermaos goon dao is 't daan noch keet.
Mestreech, dat moot gezag,is e dörrep in de nach.
Mestreechter nachte zien te laank.
Och, ze maake miech zoe kraank.
De börregemeister weurt bedaank.
Boe kreijgste heij nao twie oor draank ?