Refrein:
Mariarade is de sjoeenste wiek van gans Gebrook,
zien plantsoenen en zien pleinen, wie een plaetje oet 'n book.
En bin ich in de vraeme, dan weit ich weer geliek:
Mariarade is en blief de allersjoeenste wiek.
Mariarade is en blief de allersjoeenste wiek.

't Emmaplein. 't oudste sjtuk van de kloeesterkolonie,
doa is 't gezellig nog, dao veult me zich auch vrie.
Want jongk en auwd, dat is hie toes en hilt zich good bie-ein,
en es 't vastelaovend is, dan zingt me dit refrein.

Vereiniginge zint ter zat in ozze sjoeene wiek.
De voetbal en de sjeetclub, die sjeete fanatiek.
Dan hubste de blauw-witte nog, dat is dae club mit pit.
En es 't uch ins taegezit, dan zing mer mit os mit.