Maan maan maan
D'n doors, dee is groet en 't weer is neet slech.
Dee noe neet debij is, dee heet daan ouch pech.
Dao boe't gebäöre geit, steit 'n sjoen tent.
Deen daag, dao kiek niemand ouch op 'ne cent.
In optoch, dao trèkke ze op nao de wei.
De keuning, dee löp mèt de keuningin aon z'n zij.
150 maan en de veendel debij, mèt muziek, dao geit de sjötterij.
In 'n kojts mèt twie peerd reup de keuninging sjeun verseerd:
'2-3 sjeete maak us vrij'.
Maan, maan, maan iech krijg de zenuwe devaan.
De nudege kiere, weurt stop gelag,
door d'n adjudant, weurt daan e wäördsje gezag.
Heer zeet: mien leef lui toch, weur miech noe neet kraank,
zörg good veur uuch zellef mèt ete en draank.
Geer komp noe dus allemaol mer eve mèt miech mèt,
geslote marsjere veer noe nao 't bufèt.
150 maan en de veendel debij, mèt muziek, dao geit de sjötterij.
In 'n kojts mèt twie peerd reup de keuninging sjeun verseerd
“3-4, wat zeen iech dat geer”
Maan, maan, maan iech krijg de zenuwe devaan.
Aon 't bufèt steit de keuning', 'r kin neet tege kroet.
Z'n vrouw zuut 'm stoon en zeet: “Hei druug 'r neet oet”.
Dao kump weer 'n sjotel, 'r pak zich 't zoeväölste glaas.
Heer liet 't z'ch smake, heer is noe de baas.
150 maan en de veendel debij, mèt muziek, dao geit de sjötterij.
In 'n kojts mèt twie peerd reup de keuninging sjeun verseer:
'Geer höb 't miech belaof, dee vogel geit draof'.
Maan, maan, maan iech krijg de zenuwe devaan.
150 maan en de veendel debij, mèt muziek, dao geit de sjötterij.
In 'n kojts mèt twie peerd reup de keuninging sjeun verseerd:
“3-4, wat zeen iech dat geer”.
Maan, maan, maan iech krijg de zenuwe devaan.
Iech bin d'n tèl kwiet, sjöd nog mer 'ns in, is ouch egaal.
Maan, maan, maan iech krijg de zenuwe devaan.