Liedje oet de Echter Revue van 1995 'De Awverman Vertèldj'

De rieke höbbe geldj genôg, det zoogse net toch waal.
Ein groeate moel, ein sôndigs pak, de res is hun egaal.
Dae Mestreechter edelman, de tesse vol mit goud.
Dae heve weer dus in dae nak, det woor zien eige sjoud.

Refrein:
Höb ger 't gezeen, gezeen wiej d'r keek.
Hae keek wiej eine sjôttelsplak, eine oetgetrokke earpelezak.
Höb ger 't gezeen. gezeen wiej d'r keek.
Weer drejden 'm ein puëtje oet, det woor ein nötte streek.

Gerberga det is auch get fraais, die liëet zich hiej neet zeen.
Het kluëtjesvolk is niks vöär höär, ze mintj ze krig eczeem.
Dus numme weer het hef in henj, weer runne hiej de tent.
Die honderd grosje pikdje weer, van dae Mestreechter vent.