Hoi mam wie geit 't zègk höbste eve
Hei weer e breefke vaan diene leve
Iech woen nog steeds in Malpertoni
Eet ederen aovend lawwe makroni

Iech höb e meidske, ze zuut good oet
Meh ze verreurt hei geine poet
Iech kin hei alles gans allein doen
Ze loert tv en iech maag daan de was doen

Ma-ma-ma, ma-ma-maria-ma

Dat aajd bestek heet pu gekrege
Euver die bekers nog mer gezwege
En vaan dee groete berg striek dao
Mam, dao raak iech gans vaan in peniek jao

Dee gekken hoond kreig ouch capsones
Soms meint heer tot 'r Al Capone is
Es iech daan neet snel mèt 'm oet gaon
Jao daan sjit 'r rech tege m'n roet aon

Ma-ma-ma, ma-ma-maria-ma

Iech wèl bès pótse, meh kin niks zien
M'n roet is broen vaan de nicotien
Tot iech nog leef is ech e woonder
Iech woen allein, meh toch kin iech neet zoonder