Refrein:
Mörge weer, mörge weer, det ich ’t nog ens perbeer
Mörge weer, mörge weer, es ich niks versjangeleer
Mörge weer, mörge weer, den gaon ich nog eine keer (of twieë, of drie, of veer)
Want es ich mich ammezeer, zoealang zèk ich: mörge weer

Couplet 1:
’t Waas mèt vastelaovendj, toen zacht mich eine flap: 
“De pot is laeg, mien tesse vol, det is waat ich neet sjnap”
Waat zeen det noe väör grappe? Besjtèl d’r nog ens veer
Ich laot ze nog get lappe, mörge zeen wae den waal weer

Couplet 2:
Lèts zoeag ich eine aoje, dae sjpróng nog oppe kis
Hae kós zich neet mieë haoje en greep toen nao alles mis 
“Det waas mer net ‘r naeve”, zag hae, en sjtóng alweer
‘Ich gaon mich nog ‘ns gaeve, mörge zeen wae den waal weer’