Doa achter liek ’t gras vöal greuner, doa moste hin, doa huësjte bei.
Me biste doa, is ’t toch geweuner, en da wilste wer truuk noa hei.
En zoeë bliefste ummer óngerweëgs, wat minste waste zoeë beleëfs?

Refrein:
Loop dieng naas mar achternoa, da kumste doa woeë ’t te doeë is.
En biste da eemoal doa, zalste zieë, dat ’t doa sjoeën is.
Waste doa zuus, dat huësjte nurges, en zoeë zoeë kumste nog ins urges.
Loop dieng naas mar achternoa, bis noe nog hei en dalig doa !!

Dieng naas, ing dieke róng of sjpitse, is ummer ieëder dan dich doa.
Woeë die dich bringt is ’t good, dat witste, drachter aa en sjtank neet te sjtoa.
Has geluk dat ze va vure zit, doe koams d’r angesj zieëker nit.