Soms ligk miech get op mien gemood,
daan dènk iech toch, 't kömp waal good.
Al is 't dèks veur miech 'n kwaol,
luuster mer 'ns nao mien verhaol :

(Alle let op. Dao kömp ze aon : in enne polonaise achter häör aon)

Refrein:
Loesje, Loesje, Loesje, die heet altied e smoesje.
Loesje, Loesje, Loesje, in bèd of onder 't doesje.
Loesje, Loesje, Loesje, altied e aander smoesje.
Die vertelt miech gaans gewoen, 't leve is zoe sjoen.
(Iech vertel 't gans gewoen, 't leve is zoe sjoen)

Dèks heet ze pijn in häöre kop,
en zien de aspro's ouch nog op.
Neet tot dat noe zoe erreg is,
mer iech veul toch tot iech get mis.

Zie zeet toch ouch waal 'ns 'leeve sjat,
iech höb toch alles al gehad'.
Toch ligk iech wakker in mien bèd,
't vilt miech zwoer, 't vilt neet mit.