Es 't nuujjoar is begoos, kump de sjoanste tiéd veur oos.
't Allersjoanste van 't joar, Vasteloavend sjteit weer kloar.
Prins en Road lup dan veurop, 't ganse dörp sjteit op de kop.
Bònte kleijer en veul sjpas, sjpaargeld hoale veer oet de kas.

Refrein:
Loat oos zènge, dat deit oos altied good,
want noe sjtruimt biej oos vasteloavesblood.
Loat oos zènge, oos altied good versjtoan.
Zoo zal 't nog lang doere, veurdat veer op heim aan goan.

Es 't nuuj joar is gesjtart, wurt de sfeer weer gans apart.
Jekerein, dea is dan blie, alle luuj goan zie aan zie.
Es de optoch trèkke geit, zeen veer allenej verkleid.
Ooze Prins doa boave d'rin, joa, dea heat 't noa ziene zin.