Lekker zunke
Nog efkes en dan zit alweer de linte in de lôch.
Dan ligge de jônge flotse weer te piëpe in d'n bôch.
Dan plökke weej weer veldboeketjes
en de maedjes laupe lôchtig in eur zomerkledjes.
Nog efkes en dan zien we weer zoë wiëd,
dan zien we weer ôs wintertiëne kwiët.
Refrein:
Lekker zunke, lekker windje, lekker waerke,
lekker danse door 't laeve wie ein vaerke,
Och hadde weej maar vleugelkes, dan vloge weej wie de veugelkes.
Lekker zunke, lekker windje, lekker waerke,
lekker danse door 't laeve wie ein vaerke.
Weej springe gater in de lôch, det kan gerös, d'r is nog lôch genôg
Nog efkes en dan kômme auk de kuu weer in de wei.
Dan bleuije weer de ketjes en de brumme op de hei.
Dan wandele de alde van dage,
en de meuderkes met kiendjes in de kinderwage.
Nog efkes en dan gaon de rame aop,
an kös de zôn ôs oët de winterslaop.