Vers1:
't sjteit in de krant, euveral trammelant
jao veur motte d'r ech tosse-oetj.
't is mich 'n leid, maar 't geit wiej 't geit,
mer vandaag nim ich toch 'n besjloet:

Refrein:
Laot os same d'r eine gaon drinke,
vastelaovend sjteit weer veur de deur.
En den wille veur norges aan dinke,
want veur zien auch ens gaer oetj sjleur
Laot os same de zorge vergaete,
kom geniet van 'n lachend gezich,
jao veur hobbe te lang sjtil gezaete,
maar vandaag wil ich oetgaon met dich!!

Vers2:
't dreijt om 't geld, maar 't meiste det teld
is gezondjheid mer auch dok gelok.
Wat zien veur toch riek en ich dink tegeliek
waorom make veur os toch zoe drok?

Vers3:
Lang laeve de lol kom en sjod nag ens vol,
och wat waere veur hiej weer verwend.
Laot komme wat kump want 't laeve det krump
met 'n bietje zien veur al kontent!!