Ze neume ôs de reubezek, allèh dan maar, det maag.
Maar kôm neet aan ôs stad, dink d'r aan.
Ôs hert zit op de juuste plek, weej zien van ein good slaag.
En dao kump 't toch op aan
En det is nog maar de helf, ouk al zegge weej det zelf:

Refrein:
Laot ôs maar gewaere, laot ôs maar begaon.
Weej zien Venlonaere, die vruug zien opgestaon.
Weej toesse met nemus, nog neet veur ein miljard.
Weej zien neet zoë maar emus, weej zien ein saort apart.

Aan greke hebbe weej 't land, det vinde weej nog zund.
Weej halde neet van det getoèt.
En is d'r mei waat trammelant det is veur ôs gen punt.
Want dao kômme weej waal oèt.
En det is nog maar de helf, ouk al zegge weej det zelf:

Weej zien van hoès oèt serieus, maar smeis ein bietje neet.
Mit vastelaovend dreej daag lang.
Gezelligheid is dan ôs leus, beej 'n glaeske en ein leed.
Gen gedeuns bin maar neet bang.
En det is nog maar de helf, ouk al zegge weej det zelf: