Refrein:

Noe laot ós hie nao bènne gaon
Noe laot ós hie nao bènne sjtuve
De ganse kraom geit oppe tuppe sjtaon
Waat ouch gebeurd: Laot ós mer sjuve
‘t Knäörend iezer löp veurop
Ein hermenie mit bóntje kuve
De ganse kraom zingk alles oet de kop
Waat ouch gebeurd: Laot ós mer sjuve

Couplet 1:

Nog effekes wachte dan kómme ze aan:
De zate hermenie van weit-ich-wie
Zo valsj es de nachte en vaal is de vaan
Hun laeve kump al langzaam korterbie
En dalik sjtaon ze urges veur ein deur
Dan ruip dao eine: “Kael, die gaon derveur”…

Couplet 2:

Ventiele en pómpe die waere al heit
En jederein wurd sjor van zien geblaer
Me blees óm ‘t lómpe zo hel es mer geit
Wae zingk dao in die bende euver haer?
En dalik blaoze veer zónger bezeij
Nog èns “Van Eijsde tot de Mokerheij”…

Brug:

En höbs doe toevallig ouch zo’n nummerkes-pertie
Dan maagste noe veur effekes bie ós derbie…