Ich dach det ich eine rocker woor
Mar ich bin eine pap
Ich dach det ich hel mós zeen
Maar op mien bes kin mich ouch as sjlap
Ich dach det alles waat ich dach, det ich det nooit kós zegke
En ’t erste waar det ich dach det ich mich dao bie neer mós legke

Ich dach ’t is mich hie te klein
En vloog weg zo wied as ich kós
Ich dach ich bin noe eine Amerikaan
Mien echte laeve has begós
Maar det echte laeve hadde ze mich in doezend leedjes veurgelaoge
En net wie mien mam mit al die oetgetraeje pesjtoors
Zo veulde ich mich bedraoge
Eine miens kan zich vergisse, neet waor?

’t Liekt waal of mien ganse laeve de óntdekking is van waat ich neet bin
Dao blief al minder euver waat ich waal kin
Maar wie kleiner de keus des te meer höb ich ’t nao miene zin
Langzamerhandj vinj ich waem ich bin
Langzamerhandj bin ich waem ich …

En toen dach ich det ich eine hippie woor maar dae druim is in rook opgegaon
En toen dach ich det ich mit iddeer knappe vrouw nao bed mós gaon
Det mein ich noch sjteeds maar de pries is vaöl te hoog
Want ich bin nog altied blie det ‘t “jao” zag wie ich mien vrouw toet vrouw
vroog

’t Liekt waal of mien ganse laeve de óntdekking is van waat ich neet bin
Dao blief al minder euver waat ich waal kin
Maar wie kleiner de keus des te meer höb ich ’t nao miene zin
Langzamerhandj vinj ich waem ich bin
Langzamerhandj zeen ich waem ich bin
Langzamerhandj bin ich waem ich bin