Mit 'n lach durch 't laeve, neet nummer maer gave, geneet van al dat fiens.
In dien hobbies verlaore, dien leefste bekaore, doe veuls dich richtig miensj.
En op iemes gaon boewe, dat giet zoe 'n vertroewe, 't is gaar neet te kaop.
Neet miej dinke aa murge, vergaet al dien zurge, da kriegs te nuuje haop.

Refrein:
Jao, dat is laeves-, laeves-, laevesmedizien.
't Is 'n gegave, 't verbaetert dien laeve.
Da kins te ouch wiejergaon aohne 'n centje pien.
Jao, dat is laeves-, laeves-, laevesmedizien.
Da kins te ouch wiejergaon aohne 'n centje pien.
Jao, dat is laeves-, laeves-, laevesmedizien.

Daed gelök zich 'ns kiere, gank wiejer mit viere, dat zit toch in oos blood.
't Vergaeve va foute, blief va mekaar houte, dat gief dich nuuje mood.
Al dien kommer versjleete, mit teuge geneete, van al hiej op dies aerd.
Dus verdrief diene noed, mak d't sjpas doebelgroeët, verhoeg dien laeveswaerd.