Kump oëts d'n tièd

Tekst: 
Frans Boermans & Wim Naus
Artiest: 
Femilie Boermans
Album: 
Diverse artiesten - 'Leedjes veur de ieuwigheid (ein hommage aan Frans Boermans)'
Plaats: 
Venlo

Waat is de mins toch veur ein dreuvig waeze, wie kan dae zich te boete gaon.
't Is daag'liks in de krant te laeze, 't ônrech, det weer woord aangedaon.
Waorum môtte massa's minse leave, in ermood en hongersnoëd ?
Waorum eur neet ôs broëd gegaeve, maar waal de stried op laeve en doëd ?

Refrein:
Kump oëts daen daag, sleit oets det oor,
det wuurd gesloop door die hoëge moor.
Van geweld en haat, 't is noets daorveur te laat.
Verdreet en pien, laot det euver zien.

D'r zien al jaore moëie theorieje um ôs te redde van die kwaol.
De slumste ideologieje, maar och, ze fale allemaol.
De staatsluuj en de hoëggeliërde, zien zeej waal die name waerd ?
Ze koze dôk veur ut verkiërde en wedde op 't valse paerd.

Onvreejheid, dwang en dictature, die vindt me nog in minnig land.
Waat haet zo'n volk toch te verdeure, 't is gewoën ein groëte schand.
Det emus um zien dinkwies zit gevange in slavernie.
De vreeje waereld môt verlange: verliën die minse amnestie.