Refrein:
Kom hiej doe leeve schat
Nae zoget sjoeans höb ich nog noeats gehad
Mien hert det schmiltj
Ich slaon in eine kiër op tiltj
Doe meuks biej mich get los
Door dich bön ich echt ram finaal de klos
Zo’n Häörder meid
Daovan krieg ich ut echt heit

Ich wis neet waat ich zoog,
Waat ein figuur,
As ich ens vraoge moog,
Doon Häörder maedjes zo’n kuur
Mer mit dees daage neet,
Kiek nörges haer,
Kom doot mich gein verdreet,
Ich höb dich toch zoea gaer

De vastelaovestied,
Steit baovenaan,
Es Sjaopsköp dese tied
Drie daag flink oppe baan,
Den kiek ich neet zoea nauw,
Bön neet van stein,
Den lös ich alles rauw,
Mer staon neet gaer allein.