Refrein:
Ik heb altiéd kojboj wille waere, met ein paerd en twië geweere.
En dan vogelvreej verklaord zien en al tiën kiër haos vermoord zien.
Met ein lasso koeie vange of de sherrif op gaon hange.
Met ein sjekkie in de moel, jao, det is waat ik woel.

Op miene hiep vet in galop, zônder det ik örges stop,
riej ik van noord nao zuúd oét Hors, op waeg nao Midde-Gröbbevors.
Wao ik stop beej ein saloon, veur enne whiskey met citroen,
'nen eimer mellik veur mien paerd, en dan op waeg nao Wiért.

Heej op de prairie van Limburg,
'k riej op de prairie van Limburg.

Maar ik kin de waeg nao Wiért neet vinde, en ik zeen auk gen bekinde.
Dus ik riej maar door nao Helde, euver Berge, Aarce, Velde.
Want in Helde woënt Kid Joep, wao ik 's zaoterdaags mei toep,
en dae d'r altiéd 7 hauwt en proemtabakke kauwt.

Maar Kid Joep hingk aan ein touw, aan enne baum en zuut gans blauw.
Hae had de posbank euvervalle, geprobeerd Remunds te kalle.
Um te verberge wae hae waas: 'Gaef mich geldj, ich bön Boef Klaas'.
Maar ze hebbe um herkind, noow hingk-e in de wind.

Heej op de prairie van Limburg.
't Is allemaol, allemaol op de prairie van Limburg.

'k Bin enne kojboj zônder hood, dus mien haor zit altiéd good.
En miene zônnebril steit rech op miene kop.
Met enne lollie in mien hand, fiets ik door 't ganse land,
veul ik mich kojboj, kojboj, kojboj op en top.

Ik gaef mien paerd de spore, nao d'n tillevisietoore.
Van Remund, maar iërs door Zjwaame, zeen ik 40 indiane.
Piel en bäög en vaere op, 'n achtervolging in galop.
Maar ik weit 'n korter paad: de indiane zien te laat.

'k Heb altiéd kojboj wille waere, maar ik bin bollig veur geweere.
En ik waer krank van paerdehaor, kriég van whiskey vet 't zoor.
Ik haat de zon in mien gezich, kniép mien auge altiéd dich.
Och, en zellufs miene schaduw schuut sneller as mich.