Leep ik euver de Maaskade, mit mien hundje aan de reem;
minse minse môt ik bale, as ik die kôffiesjops zeen.

Minse kiék ens um ôch haer, jao iddere morge weer;
roét kepot, grei gejat, zoë hebbe we idderen daag waal wat.

Refrein:
Jao, waor is daen tiëd van lol en plezeer.
vertel mich ens, wao is dae haer.
D'n tiëd van 'rotje in d'n drol',
'zwumme in de maas' (Majjem…),
en allemaol dae kattekwaod.

Leep ik nao miene waage, hebbe ze mich de roét ingeknald.
Dink ik: 'Dan maar op de fiets', is dae auk nog gestriets.

Zeg waat is heej aan de hand, jao, noow wuêrt 't mich te kwant.
Zoë geit 't idderskiér maar weer, is det 't stedje van plezeer.