Karel en Helma - al twintjig jaor same
deilen koelkast - bed en tv
waar ich cynisch - zou ich zegge - det is 't.
mer det is 't - goddank - nog neet
mer ech op rulkes laupe duit 't toch auch neet mier
de hojbaarheidsgrens liekt in zicht
mei wurt t'r daaglang amper gekalt
oorverdovende stilte verplicht

Noa al die jaore eindelik tied vur elkaar
de jonge de deur oet - zoegezag
Ze zoue dit - ze zoue det - later
mer later is hej - en later is nou

ze zien eine kier 'n weekend nao de eifel geweest
och-wel aardig mer gin knallend succes
Helma vong 't eate neet lekker
en Karel miste SBS 6
Mer des 'n geintje- zeette - en dat zal auch wel
meneer leust lever 'n book
biografieen over groete leaves
absoluut Angere kook

nea dan Helma - die kiekt medische programma's
en dan geit Karel bijna van de zuk
'Wea as minse weare toch al wiet te oad' mint Karel
Zoe lang deurt gin inkel- zolang hult gin inkel geluk

Allebei al danig gries aan de slaop
efkes ligge noa 't eate is alwer gewoen
en bej oos Hel gaon al ongerdeile hangen
mer 't hingt bej gin anger zoe sjoen

Aldus Karel en dea heet t'r verstank van
dea kint de weeg op 't internet
Dea wit wat ter loos en te kaup is
overal behalve thoes in 't eigen net

De serre is gezat - de auto betaldt
den hypotheek - och - det duit zich zelf
netjes verzekerd - 'n bietje wat gespaard
woar is 't probleem - woar is 't probleem

Zoe good en zoe kwaod as 't geit - geit 't
't kos beater mer veul slechter auch
Det fraaie regelke steit op 't tegelke- rechts boven aan de sjouw

En ofsjoen gea doa niks met te maken hebt
Jao - Ze doon 't nog wel es - de twist
Nommenant wiete winning volges Karel
mier as duk zat - zeet Helma beslist

want Karel is nog altied op Helma
Helma hult det lever vur zich
doa kals ze neet over - zoget sprekt vur zichzelf
oorverdovende stilte verplicht

Saoves laat sjouwt t'r wel es eine allein door 't durp
heng wiet te deep in de tes
Ah die dertigers en fertigers richting fieftig
genegerd / genegeerd en -zek mer- onbegrepe door de rest

Dora is bang in 't duuster -
Toos huurt vrimde stummen
Helma wont achter de Moor en
Karel kos as menke al neet klumme

Ins per weak heet Karel 't riek allein
as Helma noa de fitness geit
Dan zit hea wel es doedstil bej zienen ojje pickup op zolder
asse 'blonde on blonde' nog 's dreit